നിശബ്ദതയിലാവരണചെയ്യപ്പെട്ട ഏകാന്തത വേണം
യുദ്ധരഹിതമായ ലോകം വേണം
രക്തത്തില്‍ എന്നെന്നും വീര്യം വേണം
രഹസ്യങ്ങളൊന്നുമില്ലാത്ത മാനസം വേണം
ജീവന്‍ അപഹരിക്കാത്ത സൗഹൃദം വേണം
സന്തോഷം നല്‍കുന്ന വാക്കുകള്‍ വേണം
പ്രായത്തിന് അനുയോജ്യമായ ചിന്തകള്‍ വേണം
മനസ്സിനെ ദുഷിപ്പിക്കാത്ത മോഹം വേണം
പുല്‍ത്തുമ്പത്തെ മിന്നുന്ന പനിത്തുള്ളികള്‍ വേണം
പൂവിന്‍ മടികള്‍ കിടക്കകളായി വേണം
നിലാകുളിരില്‍ മുങ്ങിനീരാടിയ ചോല വേണം
നീലക്കുയിലില്‍ മധുരഗാനം വേണം
വശ്യമായി ചിമ്മുന്ന മിഴികള്‍ വേണം
തല കോതുന്ന മൃദുവിരല്‍ വേണം
ദുഃഖങ്ങളെല്ലാം മറന്ന ഉറക്കം വേണം
ഉറക്കം സുന്ദരമാക്കുന്ന സ്വപ്‌നം വേണം
ഭൂമിക്കെല്ലാമൊരു പകല്‍ വേണം
പൂവുകള്‍ക്കെല്ലാം ആയുസ് വേണം
കൈപ്പിടിയിലൊതുങ്ങുന്ന നക്ഷത്രങ്ങള്‍ വേണം
പറവകള്‍ക്കെല്ലാം തായ്‌മൊഴി വേണം
കണ്ണുനീരിനെ അതിജീവിച്ച ജ്ഞാനം വേണം
കാമങ്ങളൊക്കെ മറികടന്ന യോഗം വേണം
ചിറ്റിത്തിരിയുന്ന കാറ്റിന്റെ സ്വാതന്ത്ര്യം വേണം
വീണാല്‍ നിഴല്‍പോല്‍ നിമിഷാര്‍ദ്ധം വീഴണം
ഏകാന്തതയെന്നും എന്നോട് വേണം
ദുഃഖങ്ങളില്‍ ചിരിക്കുന്ന ചുണ്ടുകള്‍ വേണം
ഭാരം ചുമാക്കാന്‍ കരുത്ത് വേണം
അപമാനം താങ്ങുന്ന ഹൃദയം വേണം
കുന്നോളം ആഗ്രഹങ്ങള്‍ എന്നിലുണ്ട്
നാമമാത്രമേ ലേഖനംചെയ്യപ്പെട്ടിട്ടുള്ളൂ
ഒരിക്കല്‍ പ്രഭാത പൂവിരിയും
എന്റെ സ്വപ്‌നസാക്ഷാത്കാരവുമായി
(കടപ്പാട് : ഇംഗ്ലീഷിലേയും തമിഴിലെയും കവിമനസ്സുകളോട്)
No comments:
Post a Comment